طفلة القبر.. قصدة مؤثرة جدااا...

قصيدة مؤثرة للشاعر خالد بن هزاع القحطاني "

يتكلم في قصيدته عن طفلة من اطفال الحروب ومعاناة هذه الطفلة بعد فراق والدتها ..





اترككم مع القصيدة ....

طفــلــة القبـــر



لو كــــــان مخزون الشعر في داخــــــل فوادي عقيم
واحساسي الشعــــــــري يعاني من معاني الإحتضار


لابــــــد مــــــا ينبض ويحكي قصة الغـــــزو الغشيم
لو طــــــــاحت عيونه بمنظر طفلة"ن" تبـكي انهيار


هي صــــــــورة"ن" هزت كيان الشاعر الفذ الزعيم
تشـــــعل فتيل الشعر ترقب مــــــــن هواجيسه شرار


يمه صـــــبـاح الخير يـــــلا باص مــــــدرستي يهيم
يـــــــــلا تــــــــــعالي لبسيني وادعـــي الله بـــالنهار


مـــــريولي يمه والدفــــاتــــر والــجبن كـلـه ســــليم
والبوسه بـــــــاقي والـــــوعد أرجـــع ولاقيج انتظار


حــــــان الرجـــــوع ولا رئيت امـــي وقلت الله عليم
يمكن نست خلني أدق الباب واصبـــــر ع اللي صار


يمـــه تــــرى الشنطه ثقيله واتعــــــبت حيلي الرخيم
يمه دخـــــيل الله كـــــافي صـــرت اعاني من الدوار


من بعد خطوه قــــال جاري وبصدى صوت"ن" أليم
بنتي تــــــعالي لا تنــــــادي راحـــــــت امـــج للديار


يا جار قــــــولي دار منهــــــو دار عمــتي أم كـــريم
ولا في بيت الجـــــــد أحمد ولا جـــــــــارتنا انتصار


يا بنتي أمـــــــــج في ديــــــــار الخــلد في دار النعيم
واللي قــــــتلها كنــــــه الا بينها وبينـــــه حصــــــار


كانوا ثلاثـــــــه وكــــــل منهم في طرف عينه جحيم
وبلحظة"ن" أسمــع رصاص وصوت أمج يدوي نار


يا جار خذني لقبــــــــــر أمـــــي زاد بي طعم السقيم
واتركني حدها أخـــزي راسي وابكي من ظلم الكبار


يا ‎يمه قومي‎ مـــــــا تعبتي‎ ما شبعتي ‎مــــــــن الجثيم‎
قومي ووعد اني‎ اصلي واصحى‎ بدري من‎ الصــغار ‎


يــــــــــا يمه شوفي جبت عشــــــره والمعلم قال ريم
بكره تعــــــــــالي وجيبي مــــامــــا قالها بكل افتخار


حتى الجبن يا يمـــــــــــه كلته وقلت باسم الله الرحيم
غسلت إيــــــدي وقلت ربي أســـــــألك حسن الجوار


يـــــــا ليتني‎ يمــــــه مــــا‎ رحت المدرسه‎ لجل اللئيم‎
يذبحــــني وابقى حـــــــدج‎ بجنة نعيم‎ اهــــــل الوقار


هذي حكاية صـــــورة"ن" من ألف من صور اللطيم
وبكل صـــــــوره وكــــــل قصــــه ينشعل قلبي مرار


يا أمة الشعـــــــب الأبي وش ذنبـــــــــه الطفل اليتيم
مـــــــا بين طلقه وبين صرخه عــــــاش والدنيا دمار


هو حالنا في ذا الزمن يا كود هو حــــــال"ن" عظيم
والحـــــــــــــال يرثي حظنا والذل يـــــــــكسينا بعار


مــــــــا ودي إلا أطــــــــلب الأيام لــــــو هي تستقيم
دام العـــــــــــرب مــــــــا همهم رد الأذى والإعتبار




منقــــــــــولة.....

اتمنى ان تنال القصيده اعجابكم .. ودمتم بحفظ الله تعالى